كيف تعمل بحث وتوصل لأفضل معلومة !؟

1- لو بتبحث عن كورس معين يبقة أبدأ البحث بتاعك من اليوتيوب لأن هو دة وظيفتة أنه يعرضلك فيديوهات وتقدر تخصص البحث بتاعك بأنه يبحث فى ال #playlist فقط ويجيبلك قوائم تشغيل كاملة ولو كان كورس صغير مثلاً وحاجة بسيطة مش محتاجة اكتر من فيديو ممكن تحدد أنك محتاج الفيديوهات الأطول من 20 دقيقة مثلاً وكل دة هتلاقيه فى صفحة البحث فى قائمة مكتوب عليها #Filter

2- خلى دائماً كلمات البحث حاجة بسيطة وأعتبر نفسك بتفهم عيل صغير كموقع بحث مش عايز منك تفاصيل كتير يعنى مثلاً ماتجيش تبحث عن كورسات للبرمجة فتكتب

"كورسات وشروحات برمجة للمبتدئين من البداية وحتى الإحتراف وباللغة العربية وبجودة عالية"

أيه كل دة؟؟ كفاية تكتب "البرمجة للمبتدئين" 

هو لوحدة هيفهم انك عايز نتائج بالعربى لأنك كاتب بالعربى ومبتدئين هنا معناها من البداية وحتى الإحتراف وبالنسبة للجودة تقدر انت تحددها بنفسك من ال Filter مش لازم تكتب له 

3- نفس النقطة اللى فاتت هنطبقها فى جوجل برضة لو بنبحث عن معلومة معينة كمثال مثلاً عايز تعرف إستخدامات الجافا سكريبت ماتكتبش 

"شرح إستخدامات الجافا سكريبت فى بناء المواقع وتطوير الواجهات"

كفاية تكتب "إستخدامات الجافا سكريبت" أو تكتب "فوائد javascript"

دائماً بسط المعلومة علشان محرك البحث يفهمك

4- دائماً بنقول المحتوى الأجنبى أفضل مش لضعف المحتوى العربى ولكن المحتوى العربى محصور فى اللى بيتكلمو عربى بس وإحنا كعرب إهتمامنا بالتكنولوجيا ضعيف وممكن تلاقى واحد عربى وواحد أجنبى بيقدمو نفس المحتوى بالظبط ولكن الأجنبى مهتم بجودة المحتوى العالية والتنظيم فعلشان كدة بنقول المحتوى الأجنبى أفضل وأكتر ولكن برضة عندنا ناس متميزة جداً جداً فى محتواها "الهادف" مالناش دعوة بالتافهين

5- لو بتبحث عن حاجة ماتعرفش عنها أى شئ حاول تقرأ عنها ولو مقال واحد بالعربى علشان لما تقرأ بالإنجليزى تستوعب بعض المفاهيم اللى ممكن تكون أول مرة تسمعها

كمثال لو عايز تعرف يعنى ايه ReactJS بمجرد ماتكتبها بس كدة فى جوجل هيجيلك الموقع الرسمى ومقالات وشروحات كلها من الموقع الرسمى وكلها سهلة جداً وبسيطة

بس لو قبل ماتدخل عليها كتبت "ماهى ReactJS" هيجيلك مقالات كتير بالعربى برضة قد تكون كم #المعلومات فيها قليل ولكن هتبنى عندك نظرة مبدئية عن الحاجة دى قبل ماتتعمق وتسمع كورس أجنبى ولا تقرأ عنها من الموقع بتاعها

6- #البحث_عن_الأخطاء .. 90% من محاولاتك للبحث هتكون عن أخطاء بتظهرلك 

لو أخدت الخطأ اللى طالعلك زى ماهو وحطيته على جوجل هيجيلك حلول كتير بس دى حاجة مش كويسة 

* دائماً خد الجزء تبحث عن الجزء اللى تحس انه هو دة أهم جزء فى الخطأ 

* يكون أفضل بكتير لو كتبت الخطأ دة ظهرلك وانت بتبرمج إيه يعنى قبل الخطأ أكتب مثلاً javascript أو Android أو php وبعديها تحط الخطأ بتاعك اللى طالعلك دة 

* لو فى path ماتاخدهوش يعنى ممكن يظهرلك خطأ بيقولك الملف الموجود فى الملف دة ويديلك ال #physical_path على الهارد عندك واللى أكيد هيكون مختلف عند غيرك

كفاية تاخد أسم الملف اللى فيه الخطأ بس بشرط أنه يكون ملف سيستم مثلاً مش ملف كود انت اللى كاتبة يعنى خطأ ظهرلك فى مكتبة أنت أستخدمتها فتكتب أسم الملف بتاع المكتبة دى أو أسم المكتبة نفسها

7- لو بتبحث عن مجموعة خطوات لعمل حاجة معينة مثلاً دائماً أستخدم فى البداية how to

وتكتب أى حاجة بعدها .. أو تستخدم فى النهاية step by step

زى مثلاً how to upload php to web hosting 

أو upload php to web hosting step by step

وفى الحاجات اللى زى كدة لازم تقرأ كل خطوة بالظبط وماتفوتش اى حاجة خالص لأن شخصياً بعمل كدة وبدوخ وفى الأخر ألاقى انى كنت مفوت خطوة 

8- بالنسبة للبحث عن الصور .. أوعى تبحث بالعربى خالص علشان مش هتلاقى حاجة تعجبك ودائماً أهتم أنك تغير إعدادات البحث علشان يجيبلك صور مالهاش حقوق ملكية أو أستخدم موقع #pixapay 

دى كل الحاجات اللى فاكرها حالياً ولو أفتكرت حاجة تانية هزودها إن شاء الله

شارك هذه الصفحة وتابعنا على صفحاتنا الرسمية

شارك الموضوع →

تويت

تابعنا →

إنشر الموضوع →